英國巨肺天后Adele一向低調，近日卻被爆耍大派嘅是非。據《太陽報》報道，Adele同男友SimonKonecki帶埋3歲囝囝Angelo日前去咗英國牛津郡嘅SohoFarmhouse度假酒店，Adele夜晚11點打電話要求酒店去倫敦幫佢買pizza，雖然SohoFarmhouse設有餐廳，但Adele就堅持要酒店職員長途拔涉去佢屋企附近嘅薄餅店，因為佢覺得嗰間薄餅店焗爐最好。

酒店職員最終用咗差唔多4個鐘，揸車來回倫敦車程大約係140英里，即約225公里，職員返到酒店已經喺淩晨3點，當時Adele已經瞓咗，而第二日酒店服務員入房打掃時，就發現成個pizza仲喺個盒入面，佢根本冇食過。