韓國男團JYJ成員朴有天6月捲入涉性侵案，經調查後警方證實朴有天冇性侵嫌疑，而首名報案嘅24歲李姓女子及其有黑道背景嘅表哥，就因為涉誣告及勒索朴有天，而遭首爾中央地檢正式拘留起訴，李某嘅男友就涉恐嚇未遂而獲不拘留起訴，法院更於上月底拘留李某及其表哥，原定於今日進行第一次
審訊，不過現已延遲至下月13日。

李某上月被拘捕後，一直於拘留所生活，其辯護律師表示：「李某冇毀滅證據同逃跑嘅可能性，根據裁判防禦權，請允許李某於釋放嘅狀態下接受
審訊。」而李某已於上周一申請保釋，下周二嘅聆訊會處理李某嘅保釋申請書。