【李八方online】暫別慢必 9.23閂將軍澳地辦
蘋果日報 2020/09/15 20:14
去留議會陳志全慢必議員辦事處
陳志全下星期三（23日）將關閉其位於將軍澳的地區辦事處。（資料圖片）
喺立法會延任問題上屬杯葛派嘅人民力量陳志全，將會暫別大家一段時間。佢今日出po宣佈，下星期三（23日）就會閂咗位於將軍澳嘅地區辦事處，而為咗物盡其用，佢決定放題式派發辦事處嘅物資，總之用得就唔好嘥。
慢必一早講明唔接受人大嘅延任決定，所以未來一年唔會做「臨立會2.0」嘅議員，於是辦事處要光榮結業。佢亦擇好咗日子，就係今個月23日為將軍澳調景嶺健明邨健暉樓地下嘅地辦結業日。由於辦事處仲有啲文具、書、漫畫、傢俬等有用物資未有歸宿，於是慢必決定由噚日至嚟緊嘅星期五（18日），每日下午3點至6點，開放地辦畀大家去拎走啱用嘅物資，講明「只送不賣」。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！