立法會9月6日立法會選舉前夕，據聞政府將更換多名可能要負責DQ參選人的「刀手」。政府大前日宣佈由發展局首席助理秘書長黃展翹出任沙田民政事務專員，接替2018年曾經DQ兩名本土派新東參選人嘅陳婉雯後，任內表現俾民主派鬧爆嘅中西區民政事務專員黃何詠詩，今日亦突然帶埋將會接替佢嘅新「刀手」，現身中西區區議會。

雖然政府至今未正式公佈，但中西區區議會副主席、民主黨楊浩然今午喺Facebook透露，原任大學教育資助委員會副秘書長嘅梁子琪，將接替2016年1月上任嘅黃何詠詩出任該區民政事務專員，今日更率先以「候任」中西區民政事務專員身份，現身該會嘅地區工程及設施管理委員會會議。

八方翻查資料，梁子琪2003年出任民政事務總署高級政務主任，2012年做過教育局助理秘書長（機構事務），2017年就曾以大學教育資助委員會副秘書長身份，陪住時任教育局局長「吳得掂」出席立法會嘅帳目委員會公開聆訊。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多