昨日是梅艷芳的51歲冥壽，梅姐不少生前好友兼徒弟，分別在社交平台留言向她說生日快樂，何韻詩在facebook留言說：「是妳教會我勇氣和堅持。生日快樂，念。」一班有心的梅迷到省善真堂拜祭梅姐，她們分別帶了鮮花、點心、三文治、蛋糕、杯麵、可樂、奶茶和啫喱，以及貓、名牌手袋、鞋、麻雀、刺身等等紙紮品到場。
身為梅姐歌迷會會長兼好友的蘇小姐，更專登戴上之前在梅姐遺物拍賣會競投的手錶和頸鏈到場，她說：「今日係特別嘅日子，先會拎出嚟戴，噚晚係約埋幾個朋友，聽吓阿梅啲歌，今日嚟拜一拜阿梅，眨吓眼都已經11年，時間過得好快。」她稱因為時間太趕，不會到寶蓮寺，一如往年，今年只會到省善真堂，晚上再到酒店進行自助餐聚會。

「佢想我哋開心」

晚上於尖沙嘴舉行的聚會上，四周擺放了不少fans所送的花籃，同時還放置了一張阿梅的海報，其間不停播放她的歌曲，在聚會的尾聲，亦播出阿梅演唱會片段。看見阿梅的片段，難免會有點感觸，不過蘇小姐說：「畢竟都過咗咁多年，只係間中睇到啲嘢，情緒先會波動，𠵱家大家都唔係太難過，都要接受，繼續生活下去。我相信佢（阿梅）都想我哋開心！」