前網壇一姐舒拉寶娃因服食禁藥而被罰停賽15個月，禁賽期要等到4月26號先至結束，不過呢位29歲嘅俄羅斯球手近日接連收到斯圖加特網賽、馬德里網賽同羅馬網賽嘅外卡，就引起好多球員嘅不滿。

不過，WTA周一就發表聲明力撐舒娃，話佢鍾意申請幾多網賽嘅外卡都冇問題！WTA解釋話：舒娃嘅禁賽期喺4月26日就完結，之後佢就有資格出戰WTA嘅比賽。加上舒娃曾經贏過大滿貫同年終賽冠軍，所以佢可以無限次申請外卡，當中亦包括作為佢復出首站嘅斯圖加特網賽。

雖然舒娃以外卡出戰網賽係符合規例，但係其他球員就係唔滿意佢食過禁藥都可以即刻出賽係價值觀出錯、對一班努力訓練嘅球員唔公平。WTA今次咁撐舒娃，唔知會唔會引起「關公災難」喇。