當年今日
關於我們

【唔認出賣Jessica】少時泰妍、秀英仆住喊晒解釋 fans唔受

蘋果日報 2014/10/09 06:00

蘋果道歉少時Jessica即時秀英

韓國女團少女時代(少時)成員Jessica日前驚爆因為開展自家品牌、而突然被所屬公司SM事務所同隊友狠心飛起,引起廣大關注。

事件發生之後,Jessica至今未有蒲頭親自解釋事件,只係透過網上留言話自己好無辜,相反,佢嘅成員就先後為事件發聲喇。

日前泰妍先喺非公開粉絲見面會上喊住咁同粉絲道歉,話自己一直以嚟都只想好好守住少時,不過嗰次就得唔到粉絲嘅同情喇,仲話泰妍成日都喊同道歉,好似出嚟做戲咁!

到噚日喇,少時另一成員秀英,就再次喺自己主持嘅節目《深夜的演藝TV》入面,為Jessica退團一事道歉。秀英話:「突然得知呢個消息,真係好傷心,亦覺得好對唔住大家。以後我哋會為咗鍾意少時嘅粉絲更加努力,展現最好嘅一面,對唔住。」而坐喺佢隔籬嘅男主持尹道賢就安慰秀英咁話:「秀英嘅心情應該好沉重,希望可以因禍得福,好好咁堅持落去。」

雖然秀英再為事件道歉,但同樣地粉絲都唔多like,話佢成日都出嚟為成員嘅事道歉,咩都關佢事咁喎。