韓國綜藝節目《Running Man》嘅前成員Gary，今年4月Gary忽然喺網上自爆結婚，驚爆全城，就連《RM》成員都完全唔知情，而佢老婆嘅身份好神秘，樣貌暫時仲未曝光。

而婚後嘅Gary亦十分低調，又取消咗之前嘅Instagram賬戶，不過近日佢已重開Ig，更頻頻晒相，當中就以食物相為主，亦有唔少自個人照，但就唔見老婆。

直到今日Gary上載咗一張黑白照，當中疑似老婆亦終於現身，照片中Gary同「老婆」企埋一齊，兩人似喺沙灘拍拖，將相片調光後隱約可見女子嘅輪廓，「老婆」明顯與Gary差不多高，身形勻稱。網民睇到合照後都紛紛留言話老婆終於出鏡，又戥Gary開心。