【韓流】魯裕敏減66磅唔反彈:一日三餐多飲暖水
魯裕敏NRG
現年36歲、韓國90年代男團NRG成員魯裕敏,初出道時係一名花美男,不過隨年齡增長,佢就由一名小鮮肉變成肥大叔,體重卻曾高達216磅。不過,魯裕敏兩年前終於瘦身成功,成功減去66磅,而且一直未有反彈。
噚日,魯裕敏演出電台節目,提到兩年來身型一直未有反彈、保持體重嘅秘訣時,佢表示:「按平時嘅習慣生活就可以。人喺減肥時會特別貪心,想恨恨地餓自己嚟瘦身。我一日三餐都會食,會多飲暖水,食飯時用蔬菜包起嚟食,減肥成功後亦一直保持呢種生活。」
另外,魯裕敏自爆料自己一個月只得10萬韓圜(約680港元)零用錢:「我年輕時以NRG成員活動時成日亂花錢,所以結婚後由老婆幫我管錢,然後就冇同我整過銀行卡。」魯裕敏又透露NRG將於今年內出新歌回歸。