7月至今，旺角中心多次因該區有警民衝突而多次拉閘，令旺角中心幾乎所有商戶生意額大跌逾半，多家舖頭蝕本離場，但不少店主如孫先生、即使持續蝕本仍誓不割席與抗爭者齊上齊落。他不但曾罷工罷市與員工一起參加反送中百萬人大遊行，更出錢出力把店內食材「傾囊而出」製成腸粉託人送給眾多抗爭者。縱然生意多月來無起色令他有點心灰意冷，但他仍是全力支持抗爭者，只因感到有種責任：「好多抗爭者連條命都冇咗，每個人都有責任去幫我哋嘅香港做多少少事！」

記者：林穎嵐 攝影：徐雲庭

經營「日日蒸腸粉」的孫先生今年4月與朋友合資在旺角中心開設手工腸粉店，月租超過3萬元，「一個月最少都要賣3,000至4,000份腸粉先夠cover租金」，主要靠學生客及walk-in客。但今年6月至今生意額下跌四成，隨時面臨結業，「彌敦道同港鐵早收，個場其實要中午12點後先有客行，咁港鐵又早收，彌敦道都試過有啲巴士成個幾星期唔經過呢邊，夜晚7至8點後啲人都趕住返屋企，個場都相對冷清。」他憶述店舖高峯期一日可賣200多碟腸粉，但近月最低日銷量卻低至十多碟，情況慘淡，他與多名拍檔均需倒貼租金，「一個月倒幾千蚊左右啦」，故甚至曾考慮結業止蝕，「每日都做十幾個鐘，我自己企喺舖頭度，累嘅時候都會有少少心灰意冷。」但在此困境下，孫先生仍不忘出錢出力支持反送中運動。

早於6月9日，孫先生與店舖所有員工休息一天一同參與遊行，及後亦多次參與罷市及罷工，「試過有次彌敦道堵路，咁警察喺出面放催淚彈，然後商場提早於下午閂門，我唔想浪費食材，咁啱有啲學生喺度食緊我哋啲腸粉，咁我就問咗佢哋介唔介意等我一陣，我想將啲腸粉畀佢哋拎出去派。」孫生指當時大約花了一小時將店內所有可用材料製作大量腸粉，由多名學生協助包裝後帶到抗爭現場派發，另外亦曾為反送中運動舉行義賣籌款。

孫先生說着一口夾雜普通話口音的廣東話，他表示自己多年前從深圳來港定居，自言學歷不高的他，過去曾從事維修電話、裝冷氣、零售及飲食多個行業，儲下一筆錢與朋友創業。雖然不幸剛巧遇上反送中運動，但孫強調縱使蝕本也好，「我係冇怪過班示威者。」他指即使舖頭最終要蝕本至結業仍拒絕割席，「就算摺咗間舖，我仍然都可以工作，我都唔會餓死；但係如果我見唔到我嘅未來嘅話，咁我真係覺得，做嚟好似冇咩意思。」他認為造成今日各行各業受影響局面，罪魁禍首必然是特首林鄭月娥，「如果6月9號過百萬人遊行嘅時候，佢聽到我哋嘅聲音嘅話，一早去撤回今次修例，社會根本上就唔會有後續咁多嘢發生！」

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568