唔少香港零售商表示，3月份開始少咗內地客來港幫襯。周大福（1929）甚至收到內地客人反映，他們聲稱shopping埋今次，以後都唔會再來香港，因為覺得被人歧視，感覺「好唔舒服」。
由網民發起的「驅蝗行動」在2月份已經開始，原本市場預計，3月份內地旅客增長可能會出現顯著放緩。點知上周五這數據出爐，內地旅客數目按年升咗26.7%，其中不過夜的day-trip客，仲勁升近30%，比1月及2月反而仲加速咗，令唔少分析員都「
搲晒頭」。到底中港衝突，係咪真係會令到內地客為咗「爭氣」，而唔來香港消費？近日零售商的口徑，又點解會和入境數字有咁明顯出入？這些問題的答案，似乎要睇埋本周五政府公佈的零售數據，以及五．一黃金周的銷情，方可下定論。
今年內地五．一黃金周只有3日假期（周四至周六）。有零售管理層笑言，他們早已接受黃金周不再「黃金」，如生意有單位數增長，已算「還得神落」。他反而擔心，如果最後真係有內地客、以另類方式來港「留金」，到時又會觸發中港陣營互罵，咁今年做到target的機會，又要減低幾分了。

海迪