現年27歲嘅韓國女團KARA前成員具荷拉，早前曾來港拍攝新相，更親民地跟港迷合照，不過今日韓國方面就驚傳具荷拉自殺嘅消息，震驚粉絲。

據報道，今日有人透過手機傳播有關具荷拉因服藥過量而入院、懷疑佢企圖自殺嘅消息。

消息傳開後，具荷拉所屬事務所隨即否認傳聞，否認具荷拉企圖自殺，解釋具荷拉係因為一直受嚴重失眠及消化不良困擾而去醫院接受治療，指具荷拉今日韓國時間下午5時，於首爾某大學醫院接受相關檢查，將於兩日內出院。

更多韓流，喺晒《娛果》
http://fb.com/appledailyent