今次《屍約》以全球票選十大恐怖猛鬼大樓、泰國曼谷嘅「沙吞摩天大樓」作為場景實地拍攝,呢棟大廈於1997金融風暴前興建,但因發展商缺乏資金下被逼停工,輾轉賣給另一發展商,但因為時間久遠,大廈日久失修下,需要大筆資金拆卸重建,於是計劃又被擱置,後來因有外國遊客到該處自殺身亡,被當地封為「猛鬼大廈」。
《屍約》故事描述芭恩與同性好友伊碧相約喺呢棟「猛鬼大廈」自殺,可是伊碧吞槍身亡後,芭恩卻反悔偷生。20年來芭恩耿耿於懷,一次巧合下帶着囡囡貝兒來到呢棟廢棄已久嘅「沙吞摩天大樓」,自此女兒變得行為怪異,原來係冤魂索命!
導演稱最喜歡戲中失約嘅情節:「兩位閨蜜相約自殺,其中一位竟然失約,這絕對是一部讓你看得背脊發涼、毛骨悚然的驚悚電影!」索芬沙達菲斯又稱:「今次《屍約》讓你體驗泰國鬼片的氣氛外,片中真摯感人的親情更是不可錯過。」電影於香港11月上映。連《出貓特攻隊》男主角「賓爺」Non睇完預告都推薦呢部驚慄鬼片,仲有現身首映現場支持電影。