一錯，果然可以再錯。《南早》星期二將OsamabinLaden變成Obama，已令唔少人眼凸，噚日中環再噓聲四起，因為《南早》在A2版刊出嘅更正，再錯上加錯。
《南早》噚日為前日錯誤致歉，不過更正啟事卻指Obama係美國總統firstname，至於第二個錯處，八方已經冇眼睇，大家都係自己睇啦。究竟發生乜事呢？《南早》中人透露，其實早版印刷嘅第一個版本係正確嘅，但唔知點解，有人卻將啱嘅改錯，結果第二個版本就錯晒。佢話更正都搞錯，令人覺得好冇誠意。一錯再錯要唔要人頭落地呢？線人話暫時未有動靜。