反送中運動啟發大批素人參選，候選人除了搶攻議會陣地，亦不忘街頭抗爭，6月至今被捕的6,000人中就有不少區議會候選人甚至候任議員。天水連線成員、元朗「瑞華」當選的林進亦在早前理大事件中於尖東被捕，或被控以暴動罪。一如其他當選者，林進刻下需要為議會工作、組織辦事處等事務張羅，同時亦因為可能被控暴動陷入窘迫， 但他無悔支持抗爭的決定：「（要）話畀市民知道，我哋唔再係高高在上嘅政棍、區議員，我哋喺生活上、抗爭上都係同市民同行」。

記者 陳嘉裕

理大圍城翌日，過百名家長在紅磡附近要求警方放人，林進當日一度爬上行人天橋上蓋聲援，後在警員要求下返回地面，隨即被捕。他被扣留20多小時後獲釋，警方聲稱考慮對其控以暴動罪，事件更被左派報章大肆報道，將他標籤為「縱暴派」，但選民並無因此割席，反而對他投下信任一票，剛過去的元朗區議會選舉，他在「瑞華」選區以3,955票成功擊敗得2,264票、之前5度連任的前自由黨成員周永勤，以及只得528票、被指與何君堯關係密切的黃子毅。

28歲的林進原於銀行任職，6月辭職參選。他當選後接受《蘋果》訪問，直言決定參選時已經有面臨刑責的打算：「我決定出嚟參選嗰一刻，其實都有心理準備，有啲事情會發生，無論講緊小至被抹黑、惡意中傷，大至可能會受傷或者被捕，都見到可能會發生喺自己身上……（被捕）呢樣嘢，我自己係有心理準備會發生喺自己身上，最後發生咗衝擊係有嘅，都會擔心影響選舉工程。」

他強調無悔當日聲援理大的行動：「撇除咗我哋候選人、候任區議員嘅身份，其實我哋都係普通一個香港人，我哋做緊嘅嘢同普通香港人做緊嘅嘢都無分別」，反稱被捕一事體現其言行一致，成功說服街坊他非食人血饅頭的政棍。

會否被控暴動仍是未知之數，林進直言心情忐忑，不論最終結果如何，只能順其自然面對，目前首要任務是做好社區，報答選民支持，「呢一刻我最重要嘅係報答支持我嘅選民，守護我嘅社區，希望可以用有限嘅時間，做最多嘅嘢」。他強調，參選區議員只是反送中運動的一部份，「只要參與呢場運動，無論係和理非，或者點都好，都有被捕嘅風險」，故整個天水連線都有議席或要替補的準備，在籌組團隊時會物色志同道合的人，「可以（在被捕或入獄時）代替我哋嘅職位」。

至於未來議會工作，他與元朗區的素人達成共識，將會提出多項改革，包括區議會透明化，推倒元朗區17億元天橋項目等，又會成立工作小組調查7.21元朗西鐵站無差別打人事件，在天水圍區則希望建立經濟圈，他稱，只要一日仍是議員身份，都會繼續地區工作。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此