《仁心解碼》第一輯重播完幾日,《仁心解碼2》就推出。有人踢爆話第二集嘅喺第一輯出現過做單元角色,好似陳國邦、梁烈唯、李成昌,仲有如果太多牛奶味嘅韓馬利等等等等............都喺《仁心2》又再次「出現」。不過,呢啲都係後話。
第一集最亮眼地方,當然係事先張揚嘅強姦案,當然蕭正楠個哨牙仔look都好多人討論,但無綫三線姐仔石天欣呢場強姦戲,真係睇到人眼凸。無綫未知是有心安排定係真係劇情需要,好逼真,過程仔細,仲要見血,比《洪武三十二》馬賽被姦一幕更加露骨,呢場應該都係無綫近期強姦戲中最「入肉」踩界一場。而且仲要係不斷憶述,變成呢場強姦戲斬件分幾次喺同一集出。未知聽日會接到幾多投投訴。
但亦有網民發現,今日拍呢場強姦戲嘅色魔,係李家聲。而李家聲,早於94年係拍過經典電影《香港奇案之屯門色魔》,都係演強姦犯。當年佢喺戲中係俾陳國邦拘捕,如果《仁心II》都有陳國邦就perfectmatch喇。
「第八屆金話梅電影選舉」又嚟喇。今年除港產片有獎攞,仲增設「最爛合拍片」獎。栢芝憑四套電影入圍「最爛女主角」,應該冇得輸。大家快快投票啦,結果將於4月12日在《蘋果》娛樂版揭曉。
公投網址: http://facebook.com/AppleDailyGoldenPlum