【新增影片】
NBA球星史堤芬居里，喺周四出戰職業高爾夫球比賽，參加Web.com Ellie Mae高球經典賽。首日比賽佢打出高標4桿嘅74桿，喺156名球手裏面排142。以職業高球手嚟講成績就梗係好一般，不過居里自己就好滿意，同埋勇士球迷應該都可以放心晒，咖喱仔睇怕唔會轉行去打高球。

經過首日比賽，居里落後暫時領先嘅尼高拉斯湯臣11桿，周五次圈賽事除非有神級演出，否則睇怕都會被淘汰，不過居里當然覺得唔緊要啦：「如果你話畀我聽可以喺一場職業賽度打出74桿，你每次問我我都會欣然接受。我只希望喺第2日比賽會打得更好。」