鄭中基、千嬅講心唔講金

蘋果日報 2004/02/14 00:00


鄭中基(Ronald)憑電影《行運超人》提名今屆「香港電影金像獎」最佳男配角,杜汶澤、廖啟智、張兆輝及梁家輝也有入圍。
Ronald首次獲提名金像獎獎項,他昨日在電話中說:「我幫藝術節錄緊歌,突然俾人call爆機,重以為有乜嘢大件事。」Ronald坦言對得獎沒信心,反而看好杜汶澤及廖啟智,他說:「提名已經係鼓勵,鼓勵我拍多啲戲。」
問Ronald有否致電女友楊千嬅報喜?他說:「冇呀,唔會打,我打咗畀阿媽,等陣會打畀阿爸。」

下月拍新戲
Ronald日前表示會送情人節禮物給千嬅,問到想千嬅送甚麼禮物給他?他說:「送乜鬼禮物啫,你估我咁貪心咩?」此外,Ronald與林嘉欣合唱的《二月十四》於情人節推出,而新戲《我要做Model》亦將於下月開拍。
採訪:蔡如育 攝影:林德雄