當年今日
關於我們
白建時道豪宅招標
蘋果日報 2005/07/28 00:00
近排唔少業主都鍾意將啲靚位嘅豪宅以招標形式放售,最近一單,就係渣甸山白建時道六十七號單幢洋房,業主意向價約三千六百萬,計落呎價略低於一萬,據代理力邦地產講,係區內少有。
物業全幢四層高,唔計天台同平台,都有三千六百二十呎,天台有約一千呎,另外平台及天井位約三百幾呎,業主喺大約十三年前全幢翻新過,以交吉形式放售。
呢類物業,一向較少有同類成交紀錄參考,若果睇番同區嘅多層式住宅嘉雲臺,高層單位最新成交呎價,都要九千幾至萬零,咁計落,呢幢洋房業主嘅意向價亦算合理,做唔做得成,就要睇市況。