關錦鵬新劇本起用香港演員 力撐年輕一輩有自己想法
蘋果日報 2021/03/27 19:53
關錦鵬余香凝
關錦鵬認為新一代有自己的想法，未必需要幫忙。
導演關錦鵬和余香凝今日在港台出席網上直播活動，由於受疫情影響，關錦鵬指雖然近日正在籌備新劇本，但仍然未知何時才能開拍，不過他透露今次主力在香港取景拍攝，亦會選用香港新演員，他覺得香港電影多元化而且很有趣。對於之前再掀起「香港電影已死」的話題，杜琪峯寄語年輕人「一定要做落去」，關錦鵬亦撐年輕一代導演要有自己的想法，他說：「睇你攞邊個年代嘅戲嚟講，如果80、90年代係返唔到轉頭，咁係冇意義。係咪有新香港電影方向，出嚟就未見到，如果話已死就好似一下打落新導演，後生都會有自己諗法。」可會看好新導演能夠開拓新出路，關錦鵬說：「要幫冇問題，但佢哋會有自己諗法，未必要我哋幫忙，但有需要我哋會幫手。」而2018年他所拍的《八個女人一台戲》要視乎疫情而決定何時上映，有望年尾可出。
至於現時懷孕已7個多月的余香凝，她笑言身形開始腫脹，重了30磅。她透露有意擇日開刀生產，說：「諗諗吓冇咁大勇氣（順產），或者會擇日子，都唔係好迷信，最緊要佢健康。」現時她未肯公佈BB的性別，但她表示早前已跟丈夫拍大肚照片，稍後會放上網上平台給大家欣賞。
關錦鵬透露電影《八個女人一台戲》有望年尾上映。
懷孕7個多月的余香凝，體重重了30磅。
余香凝透露有意擇日開刀生B。
-----------------------------
蘋果初心不變！26周年「撐蘋果Tee」預售：
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！