當年今日
關於我們

隔牆有耳:港大學生會 潛水避論壇 - 李八方

蘋果日報 2012/03/29 00:00


港大學生會豪花近40萬元登廣告反對黑金政治,引起好多港大生不滿,發起聯署要求學生會幹事出席今日中午喺港大舉行嘅公開論壇,交代事件同埋問責下台。
但學生會一於少理,用電郵回覆話好尊重學生意見,但因有幹事出咗埠,兼且遲啲評議會亦會舉行論壇,所以唔會出席今日嘅「民間論壇」。
民選嘅學生會竟然唔肯面對群眾,班學生梗係火都嚟埋,揚言論壇照搞,由學生做番主場,齊齊譴責學生會黑箱作業。
佢哋仲草擬緊動議,要求啟動公投機制罷免會長陳冠康,甚至倒閣,睇吓到時學生會仲會唔會繼續潛水。