新年期間有唔少名人都鍾意去到灣仔名人飯堂福臨門與家人用膳，噚晚東亞銀行主席李國寶同太太潘金翠、胞弟李國章一同到福臨門晚膳，李太一身紅噹噹，貴氣十足，李國寶一到達就拎住大叠利是派比酒樓員工，記者向李生、李太送上新年祝福，佢哋均報以微笑，之後步入酒樓。

此外，陳淑芬同兒子陳家豪今日亦現身福臨門，陳太應節染咗紅髮，穿上紅衣、紅鞋兼紅手袋，問到欣宜有冇向佢拜年，陳太話：「有呀有呀，佢今日唔得閒。」