韓劇《Signal》、韓片《盜賊門》嘅47歲女星金惠秀，佢一向敢言，亦曾因為批評政府處理「世越號」沉船事件而被當時嘅朴槿惠政府列入「黑名單」。

而金惠秀同李善均主演嘅新片《美玉》將於明日上映，金惠秀亦為電影頻頻做宣傳兼接受訪問，出道31年嘅金惠秀作品無數，佢坦言自己好幸運，從事呢份工作咁耐，不過佢就直認一直有考慮係唔係應該隱退唔再拍戲，佢話：「我現在比較謹慎，一直都有想呢個問題。人都係好複雜，展示出嚟一面同自己嘅未必會一樣。」

對於荷里活接連爆出多宗性侵性騷擾醜聞，金惠秀都有留言有關報道，並指呢個問題係全世界嘅問題，無論世界幾進步，呢個問題都一直存在，亦認為加害者一直都存在，亦覺得大家都要有準備去應對。

更多娛聞，喺晒《娛果》
http://fb.com/appledailyent