好緊張！

今晚就係！

係乜嘢？咪就係「2017中國小姐大賽」，今晚假座嘉里酒店舉行決賽，39位來自中、港、台、澳兩岸四地佳麗爭妍鬥麗，wow，一齊為「香港回歸祖國懷抱20周年」慶祝！百度一下，中國小姐，係真係中國小姐，獲中央加持，包括中央電視台、國台辦、國務院新聞辦公室都有份，今年林爺爺——林建名都有份贊助。

得到中央咁大份厚禮祝福，香港人，你，值得擁有。

總決賽舉行在即，下午先舉行「準決賽」，十位評委團評判初步評分，選出「最佳才藝」金、銀、銅獎得主。港姐出身嘅陳妙瑛亦係評判之一。首先眾佳麗以旗袍、晚裝同三點式亮相，之前「艷驚四座」嘅佳麗繼續震撼人心，而相對地比較「冇咁出事」嘅佳麗亦慢慢發力，包括來自酒泉嘅10號賈彤彤，以及同樣22歲、來自蘭州嘅14號佳麗孫琬婷。1號台灣代表周冷霓奪「才藝小姐」金獎，至於銀獎為9號澳門代表陳晨，銅獎就由19歲嘅34號湖南代表劉佳奪得。

至於香港兩位代表，嗯……25歲嘅2號翻版戴夢夢王曉敏似乎勝算頗高，6號嘅李芷菱，有叉腰冇同叉腰分別不大，仲甩晒啲毛毛出嚟…6號已經剃咗毛，但身形依然豐滿。

2號王曉敏同33號、來自葫蘆島嘅「翻版綾瀬遙」蔡一丁、以及1號台灣佳麗周冷霓被視為三甲大熱，37號北京佳麗王文卿亦屬黑馬。上次蔡一丁話整親塊面而拒絕受訪，今日見佢塊面已經冇事，睇下今晚表現成點啦。

俾啲掌聲自己。

早前報道：
【賀香港回歸祖國的質素】「中國小姐」血紅眼影+爛腳+漏砵仔糕 嚇死人咩…
http://bit.ly/2jWNWAh

【林爺爺主辦】40位中國小姐見傳媒 佳麗燕瘦環肥殭屍妝樣樣齊
http://bit.ly/2o8yuFL