大陸廠家今年最關注嘅議題之一，肯定係喺1月1號生效嘅勞動合同法。工總噚日請嚟廣東勞動和社會保障廳領導層，向港商講解新法例，有近1500人出席。華華都去過唔少呢類研討會，通常大家都係齋聽冇乜反應，可能今次話題貼身，所以問答環節罕有地有成百人提問，係華華出席咁多研討會中，最踴躍發問嘅一次。
會上勞保廳副廳長林王平介紹，今次國家推出勞動合同法，係要配合國家建設和諧社會精神，完善舊有勞動法中欠缺勞動合同、合同短期化、濫用試用期等問題；該廳勞動關係處處長林景青提醒港商，2月1日如果仲未跟員工簽署任何書面合同，將屬違法，要向員工支付雙倍工資。