在97年前杜琪峯監製《一個字頭的誕生》，不少人覺得是隱喻香港人面對回歸前的徬徨，就如戲中主角劉青雲的選擇，杜琪峯早前在觀塘寫字樓接受訪問，解釋整個故事來自導演韋家輝。

至於後人同影評如何解讀，杜琪峯稱很難判斷：「韋家輝當年傾偈時講，其實佢講人生裡面遇到嗰個三叉口，《一個字頭》最重要嘅係講你嘅選擇。有見招拆招、有隨波逐流，好似劉青雲呢個角色，可能行幾步已經消失咗係呢個江湖。」

劉青雲跟林家棟拍電視出身去到活躍影壇，近年像他們出身的人不多，家棟不同意電視人才減少：「係天時地利人和，有冇一個劇本係你拿捏到，畀你好好發揮。票房好壞，好睇上天眷顧。」

青雲97年拍電影《一個字頭的誕生》，同時亦是杜琪峯、韋家輝的銀河電影公司創業作。之後青雲儼如銀河的代言，劇接劇拍攝，青雲笑說：「嗰段時間，合作得最多係我啫，銀河主要係杜琪峯同韋家輝去搞，我只係掹車邊影到幅相見到隻手啫。」對於後人對《一》片的解讀，只是言人人殊。