由胡杏兒擔大旗做姚小蝶嘅舞台劇《我和春天有個約會》，早排喺上海完成5場表演，不過嚟緊喺巡迴演出，女主角就換咗做楊怡，而其他重要角色，包括邵美琪飾演嘅蓮茜、江美儀飾演嘅露露都會換走，改由關寶慧同萬綺雯頂上。

今日關寶慧就喺微博貼咗佢同楊怡喺劇中嘅造型相。留言話：「今次《我和春天有個約會》的演員人腳，全是好演員！人品好，態度好，演技好，顏值好！」

其實日前主角胡杏兒換上楊怡嗰陣，曾傳出小風波，當時有指杏兒喺拍舞台劇時，要求多多，除咗要劇組遷就來港綵排，亦要求要用自己化妝髮型，連有份演出舞台劇嘅張學潤，都話同杏兒溝通，係要啲時間瞭解。(新聞連結： http://bit.ly/2dC5fVW )

關寶慧今次有份做《春天》巡演，人腳講到咁好，睇嚟都一定會合作愉快嘅！