莫非大市真係旺成咁？精電國際（710）剛剛公布業績由盈轉虧，錄得虧損1.79億元，兼且係上市以來首次虧損，但股價竟然完全唔受影響，反而勁升17.31％，收6.10元，而且精電唔係亁升，成交股數有1485萬股，金額8477萬元，真係令小初嘖嘖稱奇。
經紀黃鬧小初教極都冇進步，講過好多次芬佬係向前看。精電今次虧損，主要因為將啲唔等使嘢一次過撇晒賬，其實核心業務仍然有盈利，而公司照舊派息，反應前景唔差。
精電股價雖然噚日勁升，但市值只係17億元左右，而公司手頭現金4億銀有多，財政好健全，所以升得有道理。