【狗仔出更】周杰倫開騷前失聲急call師弟撐場 林俊傑:這招我學會了
林俊傑周杰倫派偉俊
周杰倫2018《地表最強2》世界巡迴演唱會噚晚完騷之後,未見周董有乜嘢慶功活動,《蘋果》噚晚11點半左右,見紅館後台企咗唔少fans,等咗冇耐就見周董行出嚟,現場即刻有好多fans喺度尖叫,不過周董只係遠距離同佢哋say個hi,跟住由工作人員保護下,上咗七人車離開。
周董坐上七人車返咗去香港都會海逸酒店,嗰陣已有唔少fans喺大堂等候,大家見到周董,即刻湧埋去,齊齊喺大堂送佢入lift,周董都係精神奕奕。原來喺完騷冇耐,周董更新咗ig,貼咗一張同師弟派偉俊嘅合照,佢留言:「今天早上起床發現我沒聲音了⋯⋯馬上打給派偉俊,他下午飛過來香港,來支援我的高音,夠義氣的師弟,大家今晚加油!」周董呢個提攜後輩嘅方式認真厲害,搞到林俊傑忍唔住話:「這招我學會了!」林俊傑仲tag埋好友張書豪叫師弟準備好。
精選娛聞,喺晒《娛果》
http://fb.com/appledailyent