【抗暴●專訪】料好勝林鄭民望跌穿20「好無癮」 田北俊:冀北京明白特首有兩個老闆
田北俊林鄭月娥逃犯條例抗暴之戰
「行到今日,我諗佢辭職係唯一嘅選擇。」林鄭月娥一手搞出《逃犯條例》修訂風波,捲起香港史無前例的政治風暴,近日卻仍獲北京領導人高調力挺,自由黨榮譽主席田北俊形容林鄭此刻留任是「好慘」,因為香港的政治問題不由她話事,田料好勝如林鄭眼見自己民望跌穿20分,相信對方亦會感到「好無癮」,而商界等也勢必與被噓的特首保持距離,遑論施政寸步難行。田希望北京明白,如果要求特首「管得掂」,必須容許有兩個「老闆」,不能當全港700萬市民無到,重申至少應成立獨立調查委員會,畢竟這場政府拒聽民意觸發的管治危機,非以派甜頭或拖字訣就能平息。
外界都說林鄭上任之初太順利,連「一地兩檢」都搞掂,所謂「開局良好」致勇往直前硬推「送中」,卻因好勝導致焦頭爛額。早在修例之初表態反對的田北俊接受《蘋果》訪問時坦言,特區政府最失策是錯估民情,以為剔除幾項商界關注罪類就沒阻力,「冇諗過最大問題係香港人對內地法治冇信心」,6月9日100萬人上街表態後竟然堅持如期二讀,風暴一發不可收拾。
反修例衝突長達半年後仍然持續,北京與林鄭至今拒在撤回修例外作讓步,反之將風波看成香港出現的深層次矛盾,似認定解決經濟問題,香港便會平靜,「我覺得今次唔得囉!」田北俊指今次反修例者包括不少中產及較富裕階層:「佢哋唔係為咗錢去表達訴求,係為公義同政府唔理市民訴求。」他也認為回歸以來「一國」力量越來越大,「兩制」力量卻越來越細,才令市民反應如此大,深層次矛盾顯然屬政治範圍。
田指,就算林鄭有派糖紓解民困等經濟舉動,也無助市民重拾對政府的信心,始終最重要仍是解決兩大政治問題,重啟政改外,應該設立獨立調查委員會,「警民衝突,我哋要解決㗎喎,還市民公道好,還警察公道都好,示威者同警察兩邊都要查。」他批評林鄭欲以檢討委員會代替,「檢討係檢討乜啫?唔通仲檢討成唔成立獨立調查委員會呀?⋯⋯檢討又冇權查嘅,唔通你搞完出嚟,以為拖多幾個月,市民就會忘記呢件事咩?」
「商界唔覺得今時今日,林鄭仲喺政治方面話到事囉。」田以「好慘」形容仍然留任的林鄭:「佢而家個民調評分仲低過(任何)前特首,低過20分,似佢咁好勝嘅人,我諗佢好無癮。」指市民若對特首失去信任,政府實在難以推出任何政策,「咁你其實係累死晒其他局長,個別局長有啲可能係做得幾啱。」
他預計施政癱瘓至少延至明年立法會換屆前,「如果佢(林鄭)管治到2022年,自己都寸步難行啦,佢亦都做得好辛苦,因為無論你幾盡力都好,市民對你冇好感,就算你做咗好嘢,都會打個折頭」;以往特首萬人簇擁,田相信今後無人會專登「黐」特首,「黐埋你度,又唔慌有咩好」,並指商界除咗「睇」北京風向,也「睇」市民意向,「好多商界都係好精,如果你呢個特首,行出街成日俾人噓,我都費事黐埋你度啦」。
田不忘批評部份擔任人大與政協的商界向中央反映意見時太過「識做」,「只講入面覺得啱嘅意見」,認為建制派「一吹雞即歸隊」的作風惹市民不滿,也可能令施政更弊,更甚是令一些精英拒入建制,不願參選,「如果選到,你一吹雞就要歸隊,講嘢又話唔得嘅,我點解要同你做呀?我真係得閒無嘢做呀?」長遠更影響建制陣營的議政質素及公信力。
仍然留任的林鄭,早前述職向中央提出未來工作的設想,田北俊認為若要解決困局,林鄭下台是出路,同時希望手握特首任免權的北京也想一想:「我覺得北京要諗清楚,香港同澳門唔同,如果你要特首管得掂呢,你一定心中要有個數,就係呢個特首其實要有兩個老闆。北京係大老闆,但係你都唔好當700萬市民,或者400萬選民冇到。」認為應容許特首在當中取得平衡。
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 -----------------------------
無懼警暴 學懂自救
《抗暴之戰●法例須知》
讀果 上架
-----------------------------
【撐學生】
召集有心人 撐學生全年睇《蘋果》
立即按此 田北俊批評建制派「一吹雞即歸隊」,令施政更「弊」。朱永倫攝
田北俊指林鄭「好勝」,料民望跌穿20分,相信對方亦會感到「好無癮」。朱永倫攝