韓劇《經常請吃飯的漂亮姐姐》(漂亮姐姐)上位男星丁海寅，今晚喺九展舉行首個香港粉絲見面會。晚上7時40分，丁海寅一現身即演唱韓劇《當你沉睡時》OST《Today I Miss You》。不過唔知係唔係太緊張，丁海寅唱到尾段時突然甩嘴，佢即尷尬儍笑。

唱完歌後，丁海寅用廣東話打招呼：「大家好，我係……我係丁海寅。」但可能佢未熱身，仲有啲緊張，佢講「係」字時發音有啲啲唔準，令個發音似講粗口咁。

丁海寅亦多次表示佢好緊張，話之後玩吓遊戲後可能會好啲。丁海寅認為自己唱功未算好好，之後會學多啲唱歌技巧，再唱好啲畀大家聽。另外，丁海寅再次提到拍攝《漂亮姐姐》係非常有意義而且好難忘嘅回憶。

更多韓流，喺晒《娛果》
http://fb.com/appledailyent