三哥苗僑偉59歲生日，一向圈中好友甚多，噚晚喺灣仔駱克道群策大廈一間食肆開生日會（新聞連結： http://bit.ly/2sNobs9 ），高海寧同鄧智偉呢對緋聞情侶玩前後腳現身。

佢哋亦冇一齊走，凌晨12點10分左右，樂易玲坐鄧智偉部benz走人，隔咗10分鐘，謝天華同老婆Tina一齊走，天華喺過馬路嗰陣，細心拖住老婆，相當小心，早前傳Tina有咗，今次佢着上平底鞋同鬆身衫，今次見Tina身型好似再圓潤咗啲，有少少凸肚。

此外，凌晨12點半，陳蕊蕊同朋友經過門口，就問在場記者點解咁多人守候，被問三哥生日，佢係唔係上去?陳蕊蕊話：「唔係噃，唔關事嗰噃!」之後似係同一班朋友上去飲嘢。