【D1女籃】克服主將犯滿離場 九龍真光險勝迦密4強在望
蘋果日報 2019/12/09 21:53
真光學界迦密D1譚卓翹冼美嘉
譚卓翹（左）領真光擊敗迦密。
D1學界籃球分組賽鬥至白熱化階段，九龍真光中學周一在摩士公園體育館舉行的九龍區女籃A2分組賽中，雖有主力中鋒冼美嘉最後一節初段犯滿離場，但隊長譚卓翹挺身而出全場共得26分，領軍以50:46險勝迦密中學，出線四強高唱入雲。這位就讀中四的女生賽後揚言球隊大打爭氣波，自己亦從中力證身價：「呢場波證明到我唔係陪襯，其實我都有進攻能力幫球隊。」
真光今場早早入局，加上中鋒冼美嘉在籃下盡佔優勢，冼美嘉犯滿離場後，譚卓翹隨即射入三分穩住軍心，及後多次快攻得手，單節射入9分下，領軍保住領先優勢至49:37。迦密未有提早言棄，米靖言帶領球隊全力反撲，但真光仍以50:46驚險勝出。真光得三勝並只負寶覺，只要下仗擊敗福建中學（觀塘）便可以小組次名出線，眾將賽後難掩興奮，紛紛衝出場外慶祝。
今場表現亮眼的譚卓翹笑言，在冼美嘉五犯後，不斷提醒自己應保持冷靜，要為隊友多出一分力：「嗰陣一定係好驚，但唔可以因為呢樣嘢影響心情。我希望出埋佢分力，等佢喺中學生涯最後一年圓夢，打入四強。」不論自己的教練或對手，一開始的焦點只放在冼美嘉身上，譚卓翹坦承自己兩年前轉校到真光時亦有介意，但之後調整心態，只需專注做好本份，而今場能領軍取勝，她笑言正好證明自己：「冼美嘉喺主力，我哋要做好自己角色去幫手，得分數據唔重要，成隊波嘅表現先係重點。不過呢場波證明到我唔係陪襯，其實我都有進攻能力幫球隊。」
由於今季學界停擺多時，因此本月24日將上演「平安夜快車」，港島區D1女籃及九龍區D1男、女籃皆會在荃灣體育館上演四強賽事。協恩中學在另一分組五戰全勝，篤定以A1首名出線，若真光以A2次名晉級，將會在四強硬撼這支女籃霸主。雖然贏面不高，但譚卓翹仍希望放手一搏：「爭入四強係球隊第一個目標，即使對協恩輸咗，都想爭第三打精英賽。」
記者、攝影：許嘉明
真光出線四強機會極高，球員賽後興奮相擁。
米靖言（藍衫）帶領迦密力追，可惜無力回天。
冼美嘉（白衫）第四節初段犯滿離場。