韓國大熱綜藝節目《RunningMan》(RM)雖然喺韓國收視麻麻,但係亞洲各地都好受歡迎,特別喺內地更買咗版權推出內地版《奔跑吧兄弟》,而《奔跑吧兄弟》喺內地都好受歡迎,唔經唔覺仲拍到成第三季了。
而今日《奔跑吧兄弟》嘅官方微博就公佈咗將會籌備緊第三季,同時仲宣佈韓國男團EXO嘅退團中國籍成員鹿晗將會加盟跑男團。鹿晗雖然同原本所屬嘅SM事務所合約仲未解決,不過佢喺內地仍如常接工作,當製作組公佈消息不久,鹿晗都轉載佢哋個微博,並留言:「很榮幸能加入跑男伐木累(family),與各位前輩一起奔跑,請多關照,我可是個有點兒意思的人。」
而今次鹿晗嘅加入就代替噚日宣佈退出嘅包貝爾,包貝爾因為檔期問題而退出節目,佢噚日就自拍錄影片段講感受,言語中充滿不捨,最後更哽咽起嚟。