「一齊喺同一日罷食M記（麥當勞）好嗎？」網友Jackyteo最近「發現」麥旋風「靜雞雞」加價到$8.5，前日在Uwants討論區發起罷食麥當勞行動。網友Keroro軍曹響應說：「大約一個月前已經發現，之前$8.2都唔想買，𠵱家咪使旨意我會買，杯嘢又唔係大杯過人，以前新出嗰時都冇咁細杯。」暐文乘機借題發揮：「人工又唔見佢加！」
Jacky~蕉無奈地說：「食咗10幾年有感情嘛！」mraz：「其實我都有呢個諗法㗎，不過我好似中咗M記病毒咁，久唔久會自己死過去畀錢佢使。」yanyan接着說：「心癮嚟㗎。」大細路2則語重心長地說：「搣甩佢囉，典幾日就會戒得到㗎嘞，願主祝福你！」
麥當勞發言人回應稱，麥旋風最近並無加價，最近一次加價是今年8月中旬，當時麥旋風是與餐廳其他食品一起加價。發言人指，可能是相關網友太久沒去麥當勞，才會引起這次又加價的誤會。