美國不時推出唔同嘅求愛真人騷，比較出名嘅有眾女追男神嘅《TheBachelor》及眾男追女神嘅《TheBachelorette》，日前Logo電視宣佈開拍首個男追男嘅求愛真人騷《FindingPrinceCharming》，會有13個男人追一個有錢有外表有內涵嘅男神，佢哋會住埋一齊，每人都同男神有相處機會。

呢個節目會由'NSync同志歌手LanceBass主持，雖然節目未正式公佈男神係邊位，不過有傳係室內設計師RobertSepúlvedaJr.，佢來自波多黎各，現定居於亞特蘭大。佢Instagram充滿唔少晒肌肉相，令男女都忍唔住望多兩眼，係男神嘅絕好人選！無論係男女，唔少網民都話好期待睇全Gay版求愛真人騷。