香港「小巨肺」譚芷昀（Celine）去年出戰美國才藝節目《全美一叮》（America's Got Talent）備受注目，最近Celine妹妹已轉戰東洋，以10歲之齡展示巨肺唱功。

Celine妹妹將亮相下星期五嘅日本朝日電視台節目《關8 The莫札特音樂王No.1決定戰》，佢獲邀到當地以外國代表「踢館」單挑14歲嘅日本參賽者田上陽菜，爭奪小歌王寶座，廣告昨晚率先出街，Celine妹妹被封為「香港歌姬」，攝製隊專程到機場迎接Celine妹妹，仲同佢去唱K挑戰唱勁高難度嘅日文名曲《淚光閃閃》，當佢到錄影當日同樣發揮出超水準表現，令日本著名提琴家葉加瀨太郎大讚高音媲美Celine Dion，更令關8成員村上信五、大倉忠義等嘆為觀止，男星DAIGO就話：「閉上眼聽覺得歌聲好犀利，點知睜開眼竟然係個小妹妹，令我自己覺得有點反差。」當到評判俾分一刻，現場人士為之驚嘆，Celine妹妹自己更立刻O嘴，並口噏噏講：「OH MY GOD。」呢個三小時節目要下星期五才於日本播出。

有片睇： https://bit.ly/2xbpkuj

精選娛聞，喺晒《娛果》
http://fb.com/appledailyent