由韓國型男玄彬夥拍朴信惠主演嘅tvN新劇《阿爾罕布拉宮的回憶》，噚晚播出第7集，收視比上周一集嘅7.863%微跌至7.442%。

噚晚一集講到玄彬離開西班牙後，一直秘密苦練「AR擴增實境」遊戲，更升級至80多級，令佢唔再擔心被已死去嘅對手朴勳追殺。

一年後，朴信惠已返回首爾，並不時同弟弟燦烈以電郵聯絡，但原來玄彬一直安排秘書假扮燦烈同朴信惠聯絡，令玄彬知道朴信惠近況。玄彬遲遲尋覓燦烈不果，於是

決定去見朴信惠，又承認一直安排秘書扮燦烈同佢聯絡，令朴信惠擔心得喊住問佢到底燦烈喺邊，玄彬直言自己搵咗燦烈成一年時間，但相信佢仍活着，同時又叫朴信惠唔好信自己：「我唔係好人，我一直同你講過唔好太信我，以後你會後悔。」

另外，朴信惠雖然忙於拍劇，但都不忘做善事，近日佢就送出20部防火服專用嘅洗衣機畀消防員，大約捐出5千萬韓圜(約35萬港元)，日前朴信惠更親自到消防局同消防員見面。

精選韓流，喺晒《娛果》
http://fb.com/appledailyent