早排拍完大台劇《誇世代》嘅張繼聰，終於可以正式接手做湊女公。由於阿女張靖(Karina) 精力充沛，即使唔使拍劇，阿聰晚晚都要陪阿女睇埋深宵劇場先有得瞓。之前佢就話：「每當佢瞓着諗住放佢落床時，佢就醒嚟望住你笑，於是又再抱佢，好彩我拍慣通宵戲，所以每晚都抱着囡囡睇《天地豪情》，我同張家輝講，我個女第一套戲就係睇佢演出。」

廿四孝老竇仲打算遲啲會將囡囡張靖（Karina）個名紋喺身上，佢話：「近排拍緊戲，要連戲唔紋住，同埋等我過咗紋身嘅痛苦先，上次痛到爭啲休克。」(新聞連結： http://bit.ly/2xGi7kD )

啱啱張繼聰又抱住囡囡玩自拍，仲玩埋變妝App，點知望住鏡頭嘅Karina，忽然送咗啖「豆腐花」俾爸爸，有網民就話阿女識搶fo，做咗人媽咪嘅千嬅都留咗兩次言，讚Karina好cute，仲話自己好懷念嘔奶日子o忝！

想隨時獲得更多親子資訊，快啲like Easy PaMa Facebook啦！
https://goo.gl/1qWM8g