余文樂同「皮帶大王」千金王棠云（Sarah）拍拖1年，今日宣佈婚訊，晒出婚禮相，之前《蘋果》影過王棠云喺中環行街，跟手去咗中建大廈樓上嘅醫療診所，上咗16樓醫療診所嗰層，之後去咗置地買咖啡飲，又行咗一陣街，助手發現有記者，即刻搵秘道離開，全程都好小心周圍望，有傳王棠云懷孕約三個月。

事後樂仔被問係唔係準備同Sarah結婚，佢一概否認，係就會通知傳媒，不過佢都話「結婚有共識」，再追問到Sarah係咪有B，佢亦否認，解釋女友日前睇醫生，係陪一個女性朋友睇醫生，唔係Sarah去睇，當日心情甚佳，原來就嚟做新郎哥。