何超瓊及葉梁美蘭笑言飲Joyce的時裝養分長大，何超瓊說：「Joyce直情教壞我，我18歲開始買衫就自動走去Joyce畀錢。」她大讚JoyceMa是自己的偶像，她說：「事業上佢係我偶像，對自己信念好堅持，又勇於嘗試，喺大財團壟斷時裝嘅世代，佢仍然堅守自己。香港有一半人識得扮靚、識得時裝，都係居功Joyce，JoyceMa係第一個以香港人身份，引入國際頂尖品牌，呢點更加可貴。」
葉梁美蘭則自爆少女時期已幫襯Joyce，前晚有幸與Yohji合照，她雀躍說：「Yohji嘅作品好有創意，係不折不扣嘅大師級！」