【拍檔篇】
昔日「煇黃」金牌拍檔，如今只有「煇」沒有「黃」。81歲的煇哥日前透過電郵接受本報訪問，大談他對霑叔的懷念：「當然會好掛住佢，諗起黃霑梗係諗起我哋作啲歌，《家變》、《倆忘煙水裏》同《獅子山下》等等都係喜歡嘅作品。」煇哥表示偶爾聽到或看到關於音樂的節目，便會想起霑叔，懷念跟他一起的時光，沒有霑叔豪邁笑聲的日子，每當聽到其他人放縱的笑聲，煇哥都會感到寂寞。

70年代，煇哥跟霑叔到日本參加Yamaha作曲比賽，這段日子也是煇哥最懷念和最回味的。當年煇哥作曲霑叔填詞，合作無間，二人合作的《獅子山下》不但唱出香港精神，近日更因為「雨傘革命」而再度掀起熱潮，煇哥說：「佢嘅歌詞係好有深意，更唔會過時。喺《獅子山下》就可以意會到當時已經有今日嘅深意。」原來當年《獅子山下》創作，全憑電話上溝通，煇哥說：「當年我哋都係喺晚上通電話，喺電話上一句句念出簡譜，佢就會記低，數小時後佢就會喺電話上跟我一字一音咁填上，有時未寫好，第日就會有人送嚟錄音室。」煇黃演唱會已成追憶，煇哥未有計劃舉行任何與霑叔合作的紀念演唱會，就讓一切留在心底作美好回憶好了。
採訪：戴彩煥