姚本輝今季已經取得三Win，全部都是在跑馬地賽事取得，在沙田尚未開齋。

今期（22日）姚本輝出馬九匹，其中七匹都是四、五歲較質新分子，相信很有機會能取得零的突破。

周四（20日）早上6點半，姚本輝捉住沈拿站在機坪熱身圈欄邊，一齊睇住周六（22日）第八場三班田草1000米「小鳥敖翔」踱步。兩個人一路睇一路傾，輝哥望住沈拿上馬後，隨即快步前往烽火台督操。

由於時間上趕不及接馬，於是由姚本輝兒子，其馬房副練姚浩豐代勞，不過前者稍後亦再於機坪與沈拿密斟，動態極為積極。

「小鳥敖翔」開操以來，操練工夫做到十足，先後在泥地及快活谷試大閘。

今次對手當中只有「霸勝」曾經勝出同班同程，馬匹經過暑假更進一步，憑輕磅絕對有能力季內一出即勝。