近季潘頓為「美麗」系馬立下不少汗馬功勞，與這系馬的主人郭少明一家關係當然非常好。

雖然如此，但潘頓亦不是每一匹「美麗」系馬都肯騎，不過他騎得上去就應該有計！

禮拜日（2日）開鑼賽第六場四班1400米「美麗日子」（告東尼馬房），上季來港後出賽六次，潘頓一次都未騎過，但今季此馬首戰即跨上馬背，當然心中有數。

在昨晚（1日）的「美麗傳承」當選馬王慶功宴上，馬主郭浩泉亦揭開了美麗之友團體名下「美麗日子」，上季表現反覆的原因是經常腳痛，不過現時已沒事，這亦可解釋了潘頓點解之前一路冇騎牠。

事實上，此駒上季兩度在田草1400米入位已展露實力，既然腳已好番，潘頓又肯騎，今仗當是出擊之時，應可為「美麗」系在今季先響頭炮。