十大中文金曲第7首歌嘅得獎者係周柏豪嘅《天網》，佢為咗尊重頒獎禮，特地由馬來西亞趕返港，一落機就嚟。周柏豪有啲感觸話好開心今年繼續可以喺台上拎獎，又話成日聽到啲人話《天網》只係劇集主題曲，「但我好鍾意主題曲，我係聽主題曲大，主題曲可以帶我更遠嘅地方。」又特別感謝前公司華納對佢嘅栽培。

而第9首金曲由吳業坤及JW合唱歌《原來只因深愛着》獲得，JW同坤哥多謝一眾幕後製作人，JW仲話：「多謝坤哥，多謝我屋企人同佢屋企人。」之後仲由舒文幫手講感言。

至於林奕匡憑《難得一遇》獲得第10首金曲：「多謝舒文，十年前嚟到香港人生路不熟，打咗一百封信搵唱片公司，得舒文覆我。第一次喺台上想多謝太太，呢隻歌16年籌備，陳詠謙叫寫歌畀太太，佢都同我呻點解冇畀DEMO我聽，因為想畀驚喜佢，之後佢聽到好感動。」

更多娛聞，喺晒《娛果》
http://fb.com/appledailyent