鄧健泓日前應邀擔任今晚播映的《志雲上素》嘉賓，獲陳志雲炮製一道「黃金寶藏」齋菜給他享用，更拿他以「蜜糖」來形容自己作話題，表示看到報道後成個人跌落地，又指他用「味精」來形容崔建邦不當，陳志雲說：「呢個世界好崇尚唔食味精，你係咪話崔建邦唔使再存在？」嚇得鄧健泓不知所措說：「唔係，你咁講我好驚㗎！」

鄧健泓被問有否想過別人會把「蜜糖」譯成「honey」，他即扮死狗說：「冇呀，對唔住囉。」陳志雲再問他為何不用蜜糖來形容緋聞女友李詩韻，又抵死地說：「換言之李詩韻你需要保護，陳志雲你就可以擺上枱啦！」然後又教鄧健泓說：「檸檬同蜜糖（當日主持叫鄧健泓用來形容陳志雲的東西），可以兩樣都唔揀，你可以問番主持：『小欣姐（查小欣），俞琤小姐喺你心目中係檸檬定係蜜糖呢？』唔識答就寧願唔答。」又以飲檸蜜來開鄧健泓玩笑說：「希望你喺屋企對住李詩韻飲水嘅時候，都有檸蜜咁嘅效果。」
此外，鄧健泓前晚在尖沙嘴文化中心錄影節目，有傳他與庾澄慶（哈林）得台慶主持獎的呼聲最高，鄧健泓說：「如果攞到都係因為哈林犀利，我掹車邊啫，佢第一次嚟香港主持，我都望佢攞到。」
採訪、攝影：王連連、林妃