【賢歸正傳】夠膽地標戰跑強組！「超級」幕後自視好高 （廖浩賢）
蘋果日報 2019/12/05 22:54
地標戰羅富全廖浩賢二班1600米賢歸正傳超級綠洲強組
超級綠洲（左）11月21日前置勝出泥地1200米試閘
每年國際賽日，基本上編排路程都大同小異。撇除四場國際賽，其餘場合中，二班1600米肯定係觀賞價值最高的一場賽事。
話就話100至80分二班賽區域，實際能夠在當日贏出之頭馬，往後成績都扶搖直上。
就攞近四季同賽頭馬為例，2015年「明月千里」（已退役）日後成為馬王，2016年「鷹雄」贏二級賽馬會盃，2017年「志趣相投」長期是一班賽中流砥柱，2018年「翠龍」亦係分級賽常客，可想而知賽事水準非常高。
然而周日（8日）第十場二班同程，相信係近年實力最強橫的一戰，羅富全馬房在港初出自購馬「超級綠洲」相信會惹來不少人憧憬。
此駒在澳紐出賽時已身穿「聖靈」系騎師綵衣，即是話馬主自家貨。
此駒來港前三次挑戰一級賽跑三四五名，包括澳洲打吡跑第三，現年四歲目標必定在明年香港打吡。
8月尾抵港，10月至今三課大閘，三次分別試1000或1200米，中長途馬試短途閘，每次都交出好走勢，本身獲評88分在港起步，夠膽初出就報強組上陣，肯定幕後自視甚高。
但要挑戰一對「幸福」系同主馬「幸福笑容」及「幸福掌聲」絕對唔容易。
當中，「幸福笑容」挾三連捷而臨，後駒第三次在港上陣便征服谷草一哩，實力當然唔講得笑。
還有「將耀」強配戴圖理，「友誼至好」近兩仗贏馬姿態方興未艾。
相信上述任何一駒能勝出今場賽事，必定成為明年打吡重要角色。