12生肖中，猴子本性機智聰敏、靈活好動；送羊迎猴，馬騮郵票都應節出爐！

香港郵政宣佈，以「歲次丙申（猴年）」為題嘅一套特別郵票及相關集郵品，明年1月16日（六）推出發售。一套四款嘅特別郵票同郵票小型張，會展示多款以猴子為題嘅當代及傳統工藝品，背景則襯上各種吉祥嘅植物圖案，象徵吉祥如意。香港郵政同時推出嘅絲綢郵票小型張，則以猴子為主體，四周襯上蟠桃同桃花圖案，寄意添福添壽喎。

除咗郵票，香港郵政亦推出「歲次丙申（猴年）」利是封，展現四枚猴年郵票。集郵迷想入貨，可以到呢個網頁睇睇： http://www.hongkongpost.hk 。