香港兒科醫學會及香港兒科基金會最新調查指27%學生近期想過自殺或自殘，基金會主席陳作耘炮轟教育局「防止學生自殺委員會」未能解決問題，直指委員會建議「係無用、廢嘅、無實效」，「政府只係頭痛醫頭、腳痛醫痛；佢吔無去理解學生自殺嘅背後原因，可能係對社會不滿、個人抗壓力低、情緒不穩等原因」。

陳認為政府短視，「佢哋（官員）都係做5年就算，拍拍腳就走，唔會理長遠，又唔知健康政策係最重要」。陳稱自小教育兒童認識健康政策，以預防及早期介入的原則處理問題，可減少將來高達75%的治療成本。

陳指政府無長遠兒童健康政策，呼籲政府設立兒童事務委員會，「英國都有兒童事務委員會，人哋嘅兒童事務專員會審視所有同兒童有關嘅政策，睇下政策、法例對小孩嘅影響；無問題就支持推動，有問題就再處理，但香港就無一個咁嘅跨界會嘅委員會」。