當年今日
關於我們

【唔買樓又點喎!】唔追星有首期
黑粉鐵粉私生飯係乜?

蘋果日報 2016/07/28 00:00


【三個粉絲追韓劇】熱播韓劇《任意依戀》男主角金宇彬飾演大明星申晙暎,擁有強大粉絲團,但有人愛「星」,亦有人恨「星」!劇中金宇彬嘅媽媽唔鍾意個仔做明星,所以不斷做網絡攻擊,抹黑金宇彬,做這種行為的人稱之為「黑粉」。
empty
劇中飾物大明星嘅金宇彬公開向秀智示愛。《任意依戀》截圖
empty
搞到秀智畀金宇彬嘅粉絲憎。《任意依戀》截圖
empty
金宇彬阿媽唔鍾意佢做明星,就做佢黑粉向佢網絡攻擊。《任意依戀》截圖
empty
普遍香港人聽到「黑粉」都唔知係乜。
「黑粉」二字來自內地,韓國人就繙譯英文「Anti-fans」(안티팬),這類人普遍透過網絡抹黑明星,嚴重的甚至會人身攻擊。最經典嘅黑粉事件係2006年男團東方神起隊長瑜鹵允浩收到黑粉送嘅「強力膠水果汁」同恐嚇信。該黑粉扮成忠實粉絲,所以允浩不以為意就飲咗果汁,搞到要即刻送院。好彩,便利店嘅閉路電視影到黑粉,佢最後自首,被刑事檢控。Viu韓劇導賞員Ruby話,Anti-fans連童星都唔放過,歌手尹民秀嘅仔仔尹厚喺拍攝《爸爸我們去哪兒》期間,被Anti-fans網絡攻擊,搞到daddy唔敢畀尹厚返學。
empty
「黑粉」即係攻擊某藝人嘅人,最經典係允浩飲咗黑粉送嘅「強力膠水果汁」入院。
empty
Ruby話拍《爸爸我們去哪兒》嘅尹厚,當時得6歲,畀黑粉網絡攻擊,搞到唔敢返學。
empty
Cemon追咗Super Junior近十年,係SJ嘅「鐵粉」。
除咗「黑粉」,《任意依戀》劇中又提到「腦殘粉」同埋「鐵粉」,都係形容死忠粉絲。追咗Super Junior(SJ)近十年嘅Cemon就係「鐵粉」,見識過世界各地粉絲為偶像去到幾盡。Cemon舉例話,當藝人拍節目、電視劇或電影,粉絲會做「食物應緩」,訂自助餐或高級飯盒,可能有和牛、龍蝦等,請劇組所有人食。粉絲又會以藝人名義做慈善活動,例如:助養、種樹、賑災等。偶像生日時還會做地鐵或車身廣告祝賀,最誇張係向美國太空總署買星星,以偶像命名!
empty
SJ去邊做巡迴,Cemon都會去睇,法國都照去,話為SJ洗咗六位數。
empty
佢話粉絲會以偶像名義做善事,例如助養、賑災等。
empty
又會做「食物應援」,請製作組食自助餐或高級飯盒。
咁講法,追星樣樣都係錢,加上SJ去邊做巡迴演唱會,Cemon都跟住去,近至澳門、泰國、韓國、日本等,遠到法國都照跟。每個月飛一次係等閒事,仲要每個地方唔止睇一場。究竟Cemon為SJ洗咗幾多錢呢?Cemon笑住話,「都有六位數字,應該可能畀到啲首期!」Cemon唔係富二代,依家喺弘益語言教育中心教韓文,靠打工賺追星嘅錢。雖然係辛苦錢,不過佢覺得洗得值,比起買樓,見到偶像一面仲興奮。
empty
仲會喺啲星生日嗰陣,喺地鐵或車身賣廣告祝賀。
empty
Cemon仲介紹咗好多粉絲terms,快啲睇片啦!
Cemon話粉絲界仲有好多術語:
1. 私生飯:影響藝人私生活嘅粉絲,例如喺藝人屋企附近等,玩跟蹤。
2. 屏幕飯:唔會出外追星,只係坐喺屏幕前睇偶像嘅資訊。
3. 顏飯:只係陶醉藝人嘅外貌,唔理會藝人嘅實力。
4. 後宮粉:視藝人為老公,認為自己是後宮佳麗三千嘅其中一員,會話「我男人乜乜乜...」。
5. 爬牆粉:由原本鍾意A藝人,爬牆到鍾意另一位。
6. CP粉:CP即係couple(夫妻、一對戀人),CP粉會將組合其中兩位成員幻想成一對,例如Super Junior隊長利特和成員強仁嘅感情特別好,有時甚至會牽手, CP粉會希望並幻想佢哋成為情侶。

主持:動主播阿仙、Viu韓劇導賞員Ruby
記者及繙譯:卓惠媛 (Joyce)
攝影:陳家文、李錦鏵

《任意依戀》片段由Viu提供:
https://goo.gl/MlUIFc

【三個粉絲追韓劇】
http://hk.apple.nextmedia.com/enews/animation/kfans/